የኢትዮጵያ ብሔራዊ ምርጫ ቦርድ ታኅሣሥ 19 ቀን 2015 ዓ.ም. ባካሄደው ስብሰባ ለመላው ኢትዮጵያ አንድነት ድርጅት (መ. ኢ. አ. ድ) ሚያዚያ 9 ቀን 2014 ዓ.ም. ያካሄደውን ጠቅላላ ጉባዔ በሚመለከት ቦርዱ ያሳለፈዉ ዉሳኔ
የኢትዮጵያ ብሔራዊ ምርጫ ቦርድ ታኅሣሥ 19 ቀን 2015 ዓ.ም. ባካሄደው ስብሰባ የመላው ኢትዮጵያ አንድነት ድርጅት (መ. ኢ. አ. ድ) ሚያዚያ 9 ቀን 2014 ዓ.ም. ያካሄደውን ጠቅላላ ጉባዔ በሚመለከት ፓርቲው ከሪፖርት ጋር አያይዞ ያቀረባቸውን ሠነዶች ከሕጉ፣ ከፓርቲው መተዳደሪያ ደንብ እና የቦርዱ ታዛቢዎች ካቀረቡት ሪፖርት አንጻር መርምሮ ውሣኔ አሣልፏል።
ቦርዱ ባደረገው ምርመራ በፓርቲው ጠቅላላ ጉባዔ የተካሄደው የፓርቲው የኦዲት እና ኢንስፔክሽን ኮሚቴ አባላት፣ የሥራ አስፈጻሚ ኮሚቴ አባላት እና የተጓደሉ የማዕከላዊ ኮሚቴ አባላት ምርጫ እጅ በማውጣት መደረጉ በዐዋጅ አንቀጽ 74(3) መሠረት በየደረጃው ያሉ አመራሮች አመራረጥ ግልጽ፣ ነፃ እና ፍትሐዊ እንዲሁም በሚሥጥር በሚሰጥ ድምፅ የሚመረጡ መሆን እንዳለበት ከሚደነግገው ጋር የተቃረነ በመሆኑ ፓርቲው ሕጉን መሠረት በማድረግ በድጋሚ ጠቅላላ ጉባዔ ሊያካሂድ እንደሚገባ ወሥኗል።